Setesdal Roots Band er ei musikkgruppe med 6 personar:

Mona Ida – vokal
Vidar Frøysnes – vokal, gitar, dobro, munnharpe
Rolf Erik Homme – vokal, bass
Karna Frøysnes – piano, orgel
Terje Emblemsvåg – vokal, banjo, gitar, mandolin
Ivar Olav Hovet – trommer, perc.

Gruppa spelar mest sjølvkomponert materiale. Låtskrivar Mona Ida lagar originalmusikk med inspirasjon frå ulike sjangere.  Stikkord er alt frå skillingsviser og foreldre-generasjonens popmusikk via rock, blues & soul til folkemusikk frå Setesdal & amerikansk bluegrass.  Med fleirstemt vokal og akkustisk instrumentering blir musikken ekte roots-vare.

Alle medlemer i bandet har tilhald i Setesdal.  Mona Ida og Vidar Frøysnes mottok “Målprisen” i 2005 m.a. for bruk av nynorsk i alle songtekster. 

Setesdal Roots Band spela inn ny CD i 2006.  All komp. vart gjort i løpet av ei helg.  Lokalt 'plateslepp' var like før jol, og plata gjekk ut på distribusjon i januar 2007.  Vinteren 2007 fekk plata 7 av 8 mogelege fyrsteplassar på Sørlandstoppen (ein andreplass).  Produksjonen inneheld eigenkomponerte tekster og melodiar, samt ei tolking av tradisjonsmusikk frå Setesdal.
CD'en vart innspela i NRK-studio Kr.sand med studiosjef Sigtor Kjetså som tekn. ansvarleg.  Sigbjørn Nedland hadde ansvar for nedmiksing.  Presentasjon m/video finn du her heimesida.

	Mona Ida har bak seg 5 MC/CD-produksjonar, for det meste med sjølvkomponerte tekster og melodiar.  I konkurranse om millenniumslåta arrangert av NRK-radio og riksavisen VG fekk Mona Ida ein 5. plass i nasjonal finale, og vant 1000-års låta for Aust-Agder med melodien ”Nattergal”.		Vidar er Mona Ida’s ektemann.  Band-musiker sidan 1969.  Tekn. ansvarleg for lydfirma MOVI musikk med konsertproduksjon for festivalar m.v.  Sjå eigen info om MOVI musikk.
	Rolf Erik har fartstid frå 1968 med diverse band og kor.		Karna er førskulelærar frå HIA/dramalinje, med musikklinje frå Valle vidaregåande skule.
	Terje har allsidig erfaring frå band, kor og studioarbeid.		Ivar Olav har lang fartstid med div. band og studioerfaring.

Setesdal Roots Band spelar også i kyrkja, og presenterar gjerne religiøse folketoner og country-gospel.  Julekonsertar i kyrkjene er ein tradisjon der bandet er engasjert.  Programmet ”Ein hyllest til Roots og Country Gospel” er m.a. brukt på Eikerapen Roots Festival 2005. 

Frontmedl. frå Setesdal Roots Band har ei lang merittliste som byrjar på
70-talet, då det var fulltids turnèvirksomhet med dansebandet SHARROX.
Etterkvart har engasjementa dreia over mot konsertscener og festivalar -
Momarkedet, Oslo Plaza/SAS Radisson hotel, Dark Season Festival/div. scener + VIP-arr., Kris Kristofferson TRIBUTE SHOW Kvinesdal Idrettshall/ Kr.sand /Oslo-SMUGET, kulturprogram/innslag ved stråleaksjonen Kristiansand TEATER hovedscenen, Phønix KINO Kr.sand, Mandal kino, Saga KINO Arendal, Torget i Arendal, Kristiansand kunstforening, CALEDONIEN HALL Kr.sand, kunstsenteret Bomuldsfabrikken Arendal, Nordisk Caravantreff, Christiansands Protestfestival, Grimstad campus/LUFTSLOTT, Arendal Rådhus, VASKERIET Kr.sand, Setesdal Mineral Park, Eikerapen ROOTS Festival, Oggefestivalen, OSE  Country Festival o.s.v., o.s.v. 
... og jamvel turnèprogram for Agder Folkeakademi...

Booking: Vidar Frøysnes Mobil 48 14 85 67 Privat 37 93 52 69

Firma: MOVI Musikk Org.nr. 975 894 567 MVA e-post: movi@monaida.no